فاروس

فاروس یوه غیر انتفاعي اداره ده چې ماموریت یې په یونان کې د ځوانو کډوالو او مهاجرینو پیاوړتیا د زده‌کړې، رواني-ټولنیز ملاتړ او مسلکي روزنې له لارې ده. زموږ له مهمو نوښتونو څخه یو Faros School دی، چې د غیر رسمي زده‌کړې یو مرکز دی او په ځانګړي ډول د 12 څخه تر 19 کلونو پورې د کډوالو او مهاجرو تنکیو ځوانانو لپاره طرحه شوی دی. ښوونځی هره کاري ورځ له 13.00 څخه تر 18.00 پورې فعال وي.
د ښوونځي په پروګرام کې په بېلابېلو کچو د یوناني او انګلیسي ژبې درسونه، د کمپیوټر درسونه، بېلابېل ورکشاپونه (خیاطي، برېښنایي وسایل، ترکاڼي) او همدارنګه د life skills درس شامل دي. د ښوونځي زده‌کوونکو ته له ارواپوه سره د ناستو امکان هم برابریږي.
د ښوونځي دننه drop-in center له 14.00 څخه تر 16.00 پورې فعال وي، دا داسې ځای دی چېرې ماشومانو ته د کورنیو دندو مرسته ورکول کېږي، فعالیتونه لکه ورزشونه (ping-pong, badminton) او لاسي صنایع ترسره کېږي، او ماشومان دا فرصت هم لري چې تخته‌یي لوبې، playstation او د مېز فوټبال ولوبوي. سپک خوراک او چای هم شته.